Ang plum grove na ito ay matatagpuan sa timog-kanlurang bahagi ng Mount Ushinoo sa Ogi, malapit sa Ushinoo Shrine. Kapag napapanahon ay namumulaklak ang mahigit na 10,000 plum tree dito, kung kaya naman simula noong unang panahon pa ay sikat na itong lugar para pagmasdan ang kagandahan ng mga bulaklak ng plum. Ang viewing season ay mula dulo ng Pebrero hanggang Marso, at sa panahon na ito ay nababalot ng halimuyak ng plum ang buong lugar na siyang naghahatak ng napakaraming bisita mula sa loob at labas ng Saga Prefecture. Maaari ring matanaw mula sa tuktok ng bundok ang kagandahan ng mga puno pati na rin ang mga malalawak na bukirin ng Saga at ang bayan ng Unzen mula sa malayo. 

Ang Ushinoo Shrine sa malapit ay isang sinaunang shrine na binuo noong taong 796. Sinasabing itinayo ito sa lupain na ibinigay ni Minamoto no Yoritomo, at ang shrine ay ang lugar kung saan inialay ng mga dakilang mandirigma na sina Minamoto no Yoshitsune at Benkei ang kanilang mga watawat. 

Source: http://www.asobo-saga.jp/